Iggy Azalea ka ndarë me ndjekësit në rrjete sociale disa foto të papublikuara më parë të djalit të saj, Onyx, teksa reflekton se sa shpejt kalon koha.
Artistja 30-vjeçare nga Australia duket se është bërë nostalgjike, prandaj publikoi fotot e realizuar në vitin 2020, përfshirë edhe një me barkun e rrumbullakosur, shkruan “Mirror”.
Krahas postimit të bukur, ajo shkroi edhe një mesazh prekës, teksa reflekton se sa shpejt po rritet djali i saj.
“Unë me të vërtetë nuk mund ta besoj se sa shpejt fluturon koha. Deri dje ishe një top i vockël në krahët e mi. Të dua përgjithmonë, në të gjitha mënyrat”, shkroi reperja.
Azalea i habiti të gjithë kur zbuloi në Instagram se ishte bërë nënë për herë të parë dhe se kishte sjellë në jetë një djalë.
Vogëlushi Onyx lindi si fryt i romancës mes saj dhe ish-partnerit Playboi Carti. Ata u takuan në 2018-ën dhe tre muaj pas lindjes vendosën të jetonin bashkë.
Por tetorin e 2019-ës i dhanë fund lidhjes, teksa Azalea sqaroi fansat se pavarësisht ndarjes, Carti do të ishte i përfshirë në jetën e Onyx-it.
