Dy ditë më parë, këngëtari shqiptar, Valton Krasniqi, ndau në rrjete sociale lajmin se ishte infektuar me Covid-19.
Këngëtari tha se asnjëherë s’e kishte besuar virusin dhe ju bëri thirrje të gjithëve ta ruajnë veten.
Por, tashmë që është larguar nga spitali, Valtoni e ka fituar betejën me virusin, por nuk është aq mirë sa ç’priste.
“Përfundimisht u konfirmua se tashmë Covid-19 e kam mposhtur. Jam shumë më mirë nga ç’isha, jo aq lehtë sa e mendoja, por megjithatë ja arrita. Ju falenderoj nga zemra të gjithëve për mesazhet që më keni dërguar dhe më keni dhënë forcë.
Falenderoj Zotin dhe mjekët dhe stafin e Klinikës Infektive për kujdesin e madh ndaj meje dhe përkushtimin për luftimin e virusit. Uroj shërim të plotë për të gjithë të infektuarit, me dëshirat më të mira të mos ketë të infektuar më. Me respekt Valton Krasniqi”, ka shkruar këngëtari në Facebook.
