Tess Daly është një moderatore 51-vjeçare dhe vazhdon t’i mahnisë të gjithë me linjat trupore, siç bëri edhe së fundmi me setin fotografik që përgatiti për “Woman’s Health UK”.
“Nuk ndihem ndryshe nga koha kur isha 30 vjeç”,- është shprehur Daly gjatë intervistës, sipas “Daily Mail”.
Tess shfaqet e veshur me një body të zi me shkëlqim, me njërin krah jashtë, i cili i thekson barkun e sheshtë dhe këmbët e tonifikuara.
51-vjeçarja shihet me make up profesional të lehtë, dhe me flokët biondë me onde.
Në një foto tjetër, ajo shfaqet e veshur me një tjetër body të zi, i cili po ashtu i thekson këmbët elegante.
“Nuk e shoh moshën si një kufizim, sepse kurrë nuk më ka mbajtur prapa në kohë. Thjesht e shtyj veten pak më larg se ç’mendoj se mund të shkoj dhe gjithmonë befasoj veten.
Unë kam një rutinë nëpërmjet së cilës kam kuptuar se mund të shoh ‘Netflix’ dhe të vrapoj 5 km në të njëjtën kohë. Unë kurrë nuk ulesha të shihja TV gjatë ditës, por me këtë rutinë që kam tani, mund ta bëj.
Në mëngjes përqendrohem tek ajo se çfarë do të bëj gjatë ditës në vend që të mendoj ‘po sikur’ ose të shoh lajmet.
Bëj yoga pak para se të fle, që të jem e qetë mendërisht”, tregoi ajo.
Tess është e martuar me Vernon Kay dhe është nënë e dy vajzave.
