Nuk e lejon të bijën të dëgjojë këngët e saj, Cardi B përballet me kritika të ashpra nga fansat

Cardi B është përballur me një lum kritikash së fundmi për shkak të një videoje që ajo ka publikuar.

Reperja shihet duke hequr këngën e saj “WAP” në momentin që e bija 2-vjeçare, Kulture, hyn në dhomë, shkruan “Insider”.

“Kështu vajza jote nuk mund t’i dëgjoj këngët e tua, ndërsa vajza e çdo njeriu tjetër duhet ta dëgjojë? Është ekzaktësisht ajo që kam thënë, t’i ke një agjendë për të realizuar me muzikën tënde. E shpifur”, ka shkruar dikush reperes.

Mirëpo përgjigja e Cardi B nuk ka munguar dhe ajo ka treguar se në realitet është shumë më ndryshe nga jo çfarë shfaqet dhe se këngët e saj janë për të rriturit, jo për fëmijët.

“Duhet të ndaloni me këtë gjë! Unë nuk jam JoJo Siwa, unë nuk bëj këngë për fëmijë, unë bëj muzikën për të rritur. Prindërit janë përgjegjës për atë çfarë dëgjojnë apo shikojnë fëmijët e tyre. Unë jam një njeri shumë seksual, por jo rrotull fëmijës tim, ashtu siç duhet të jetë çdo prind tjetër“, është kundërpërgjigjur reperja.

Ndërsa fansat kanë nxituar t’i dalin menjëherë në mbrojtje, duke u shprehur se prindërit janë shumë dembelë dhe presin që fëmijët t’ua rrisë interneti.

Reperja është përballur shpesh me kritika jo vetëm për punën, por edhe për ekspozimin e jetës së saj luksoze në rrjete sociale.