Surprizat nuk kanë fund për Kiara Titon. Pas lajmit se së shpejti do të bëhet nënë, moderatorja i ka surprizuar fansat me ndryshimin që ka bërë në pamje.
Përmes një postimi në InstaStory, Kiara ka zbuluar për ndjekësit e saj modelin e ri të flokëve, të cilat mesa duket i ka prerë dhe i ka lyer.
“Ndryshime”, ka shkruar ajo krahas fotos.
E teksa shumë prej ndjekësve iu pëlqeu ndryshimi që Kiara kishte bërë, disa të tjerë e kanë kritikuar moderatoren pasi sipas tyre një femër shtazënë nuk duhet t’i presë flokët.
“Nuk bën t’i presësh flokët kur je shtatzënë.”– ka shkruar një komentues, ndërsa një tjetër vazhdoi: “Bën t’i presësh thjesht s’të ecën floku tamam, nuk rritet sepse e kam provuar vetë, pastaj ti si të duash.”
Mirpo rreth këtyre mesazheve ka reaguar vetë Kiara, e cila ka treguar se nuk beson në gojëdhëna të tilla.
“Po shoh shumë mesazhe të tilla. Kush e thotë këtë? Të presësh flokët në shtatzëni nuk është e ndaluar! T’i presësh ose jo është zgjedhje. Nëse e keni fjalën për gojëdhëna, nuk besoj në gjërat të tilla dhe nuk jam supersticioze. Faleminderit!”- ka shkrua ajo.
© Panoramaplus.al
