Më 29 tetor të vitit të kaluar, ish-banorja e famshme e “Big Brother”, Adelajda Xhamani u nda nga jeta në mënyrë të papritur.
Vdekja e saj tronditi mbarë opinionin publik, kur ajo u gjet e pajetë në banesë pasi kishte kaluar arrest kardiak. Miku i ngushtë i 31-vjeçares, Eraldo Rexho, e kujton herë pas here Adelën me postime të shumta në profilin e tij në rrjetin social “Instagram”.
Së fundmi atë duket se e ka kapluar malli dhe i është futur bisedave të vjetra me mikeshën e tij. Njërin prej mesazheve prekës që Adela i kishte dërguar, Eraldo e ka publikuar në Instastory.
“O drita e jetës time dhe e shumë të tjerëve. Ja kështu, sic je vetë, një njeri i bukur, ashtu paç çdo ditë e natë të këtij viti. S’di ta them me fjalë sa shumë të dua.”- i kishte shkruar ajo.
“Gjithmonë zemra ime”, ka shkruar Eraldo për Adelën në foton e publikuar.
© Panoramaplus.al