Sara Hoxha dhe Ledri Vula, së shpejti do të bëhen prindër për herë të parë.
Ditën e djeshme, Sara ka organizuar një super “baby shower” në oborrin e shtëpisë së këngëtarit.
Të ftuara në festë ishin edhe shumë personazhe të njohura, si Kida, Dhurata Dora, Ariana Fejzullahu etj.
Ishin pikërisht këto të fundit ato që ndanë në rrjete sociale foto e video nga baby shower-i, për të cilin Sara është kujdesur deri në detaje.
Ajo kishte zgjedhur ngjyrat e tokës për dekorin, ashtu si edhe fustani i saj i bukur, i cili i theksonte edhe më shumë barkun e rrumbullakosur.
Nga videot e publikuara, vihet re se edhe mami i Ledrit, Xheraldina, e ka shijuar në maksimum atmosferën dhe nuk ka qëndruar pa kërcyer.
Sara dhe Ledri kishin vendosur edhe një tabelë, në të cilën të gjithë të ftuarit duhet të shënonin një datë, për të gjetur se kur do të vijë në jetë bebushja Vula.
© Panoramaplus.al
