Nicki Minaj zbulon gjininë e bebushit dy javë pasi u bë nënë për herë të parë

Në fillim të muajit tetor, burime ekskluzive për “Dailymail” bënë të ditur se reperja Nicki Minaj ishte bërë nënë për herë të parë.

Fansat pritën dy javë për konfirmimin e lajmit publikisht nga Nicki dhe partneri i saj, Kenneth Petty, por ata nuk bënë asnjë reagim.

Madje, reperja edhe gjininë e foshnjës e ka zbuluar mbrëmë!

Teksa ka falënderuar publikisht miqtë e shumtë për dhuratat e këtyre ditëve, 37-vjeçarja ka zbuluar se ka sjellë në jetë një djalë.

“Jam kaq mirënjohëse dhe e dashuruar me tim bir. Çmendurisht e dashuruar! I vogli djali im, më i preferuari në të gjithë botën,”- shkruan Nicki ndër të tjera.

Megjithatë, ajo nuk e zbuloi emrin apo portretin e të voglit.

Në vitin 2018, Minaj tha për “Wonderland” se donte shumë të kishte fëmijë.

Minaj është martuar me Kenneth Petty në tetor të vitit që lamë pas, ndërsa tashmë erdhi fryti i dashurisë së tyre.