Më 19 tetor, Arbana Osmani u bë nënë për herë të dytë dhe bashkë me partnerin e saj, Eduart Grishajn, mirëpritën në jetë një djalë.
Moderatorja ka edhe një djalë tjetër, Jonin, nga martesa e parë, i cili u bë me një vëlla të vogël.
Ditën e sotme, moderatorja ka ndarë me ndjekësit e saj disa pamje nga materniteti, kur Diell nuk kishte ardhur akoma në jetë.
Ajo shfaqet e veshur me të bardha gjatë kohës që ka qenë në pritje për të hyrë në sallën e lindjes.
“Një javë më parë, duke pritur të shkoja në sallën e lindjes. Selfie i fundit shtatzënë!”- shkroi moderatorja.
Pas kësaj, Arbana postoi foton e realizuar në momentin kur Joni u takua për herë të parë me vogëlushin.
“Takimi i parë me vëllain e madh më të mirë në botë”,- shtoi ajo.
Ditën e djeshme, Arbana postoi fotot e para pas lindjes së diellit. Ajo kishte veshur një fustan të zi dhe mbante në dorë një trëndafil rozë, por vëmendjen e morën linjat e saj.
