Gazetari Ferdinand Dervishi ka ngritur pikëpyetje lidhur me sulmin ndaj televizionit News24, të cilit iu është ndërprerë sinjali prej mëngjesit të sotëm.

Pra pikëpyetjet më të mëdha për mua janë: përse po veprohet me kaq ngut, përse kaq dhunshëm, përse me panoramë e shije terrori?”, theksoi ai.

Gazetari shtoi se ky është mentalitet i njëjtë me atë të terroristit, “i cili i nuk preferon të qëllojë me snajper apo kallash, por të vendosë eksploziv”.

“Sepse shpërthimet bëjnë shumë zhurmë duke shkaktuar panik në një numër të madh njerëzish, duke përcjellë mesazhin e forcës, dhunës dhe terrorit në maksimumin e mundshëm”, deklaroi ai.

Reagimi i plotë:

Pse ka lidhje me terrorin dhuna ndaj News 24 ?

Një vendim gjyqësor i 3 javëve më parë i ka njohur pronën e godinave, mbase edhe të truallit, Bashkisë së Tiranës.

Logjikisht, pas vendimit të formës së prerë të gjykatës, një televizioni i duhen, jo 3 javë, por 3, apo më tepër muaj kohë, që të zhvendoset në një ambient tjetër.

Pra pikëpyetjet më të mëdha për mua janë: përse po veprohet me kaq ngut, përse kaq dhunshëm, përse me panoramë e shije terrori? Kujt i intereson/pëlqen, kush kënaqet/masturbohet etj nga e gjitha kjo?

Përse po merret përsipër risku i dhunës dhe terrorit ndaj mediave në një vend që ka shumë probleme pikërisht me lirinë e medias?

Gjithë sa po ndodh për mua ka lidhje me psikologji diktatorësh e terroristësh, të cilët shohin te veprimet e dhunshme goditje hakmarrëse që, më tepër se kundër televizionit News 24, tentojnë të dhunojnë dhe terrorizojnë gjithë mediat dhe gazetarët kritikë ndaj shtetit që tashmë drejtohet nga pushteti i një njeriu të vetëm.

Sepse shpërthimet bëjnë shumë zhurmë duke shkaktuar panik në një numër të madh njerëzish, duke përcjellë mesazhin e forcës, dhunës dhe terrorit në maksimumin e mundshëm.