Ellen DeGeneres është fotografuar për herë të parë jashtë shtëpisë, vetëm nëntë ditë pasi zbuloi se është infektuar me Covid-19.
Moderatorja 62-vjeçare mbante në dorë një çantë kartoni, si dhe një maskë në fytyrë, teksa po fliste me një grua tjetër para se të drejtohej për tek automjeti i saj, raporton “Daily Mail”.
Por, në një moment, DeGeneres është parë me maskën e ulur poshtë, gjatë kohës që fliste në telefon me dikë.
Kur u pyet pak ditë më parë për përvojën e saj me virusin, Ellen u përgjigj:
“Ndihemi 100%. Ndihem vërtetë mirë. Diçka që ata nuk ta tregojnë, janë dhimbjet torturuese të shpinës. Nuk e dija se kjo ishte një simptomë. Kush e dinte? Si vjen? Dhimbje shpine. Keq”
Emisioni që ajo drejton “The Ellen DeGeners Show” është mbyllur, sepse moderatorja ndoqi të gjitha rregullat sapo mësoi se ishte prekur nga koronavirusi.
Sezoni i 18-të i emisionit është xhiruar pa audiencë, që pas rikthimit në muajin shtator dhe shumica e të ftuarve kanë qenë të ftuar në mënyrë virtuale.
Kjo vjen pasi Ellen u vendos në qendër të vëmendjes mediatike muajt e verës, kur një ish-punonjës deklaroi se vendi i punës në emisionin e saj ishte shumë toksik.
