Celine Dion është rikthyer në jetën publike, pasi u tërhoq kryesisht nga qendra e vëmendjes për shkak të betejës së saj të vazhdueshme me sindromën e rrallë.
Këngëtarja e “It’s All Coming to Me Noë” bëri paraqitjen e saj më të madhe publike deri më tani që nga diagnoza e saj, në ndarjen e 66-të të çmimeve Grammy.
Me t’u ngjitur në skenë, Celine ishte e gjitha e buzëqeshur, para se t’i thoshte turmës: “Ju faleminderit të gjithëve! Ju dua! Kur them se jam e lumtur që jam këtu, e them nga thellësia e zemrës. Ata që janë bekuar mjaftueshëm për të qenë këtu në Grammy Awards nuk duhet ta marrin kurrë si të mirëqenë dashurinë dhe gëzimin e jashtëzakonshëm që muzika sjell në jetën tonë dhe për njerëzit në mbarë botën.”
Çmimi përfundimisht shkoi për Taylor Swift për Midnights , duke e bërë atë zyrtarisht artisten që ka fituar më shumë çmime për albumin e vitit, katër në total.
Ajo u ngjit në skenë për të shpallur çmimin Albumi i Vitit, të cilin e fitoi 27 vjet më parë, duke marrë menjëherë një ovacion nga publiku i mbushur me yje.
Paraqitja e saj në Grammy vjen pas njoftimit se Amazon Prime Video ka fituar të drejtat për të prodhuar një dokumentar të ri të metrazhit të gjatë të titulluar “I Am Celine Dion”, drejtuar nga regjisorja e nominuar për Oscar, Irene Taylor.
Projekti synon jo vetëm të shikojë pas në karrierën e Celine, por gjithashtu t’u japë fansave një pasqyrë të papërpunuar dhe personale në betejën e saj me SPS-në, me një pasqyrë të sinqertë të jetës së saj në shtëpi duke u rikuperuar, duke rikthyer forcën e saj dhe duke vazhduar të punojë në muzikë.
© Panoramaplus.al
