Një ndër banorët më të përfolur të edicionit të parë të “Big Brother VIP Kosova”, Gjon Karrica ose ndryshe i njohur me emrin ‘Lugati’ i ka shqetësuar ndjekësit e tij me postimin e fundit.
Këngëtari publikoi një foto në InstaStory ku shihej i ulur në një karrocë me rrota dhe me krahun e thyer duke mos dhënë më shumë detaje se çfarë i ka ndodhur.
Mirëpo në rrjet mësohet se, ish-banori i “BBV” ka humbur vetëdijen, gjë që i ka shkaktuar dhe lëndimet e rënda trupore.
Tashmë ai po merr trajtimet e duhura mjekësore në Zvicër.
Kujtojmë se gjatë qëndrimit në shtëpinë e famshme, Gjoni pësoi një sulm epileptik, ku më pas u dërgua menjëherë në urgjencë. Pas kësaj, artisti u detyrua të hiqte dorë nga gara.
© Panoramaplus.al
