Aktori 55-vjeçar britanik, Nick Moran , i cili u bë i njohur gjerësisht për rolin e tij si Scabbers në pjesën e parë të filmit “Harry Potter and the Deathly Hallows” , së fundmi iu nënshtrua një operacioni urgjent në shtyllën kurrizore për shkak të dëmtimeve të rënda që prekën palcën.
Sipas burimeve të DailyMail, aktori iu nënshtrua operacionit rreth një javë më parë dhe tani po rikuperohet në shtëpi.
“Kirurgjia përfshinte rreziqet e zakonshme, por gjithçka shkoi mirë”, u shpreh ai.
Miku i tij i mirë Terry Stone, u shpreh për të njëjtën media se Nick Moran injoroi dhimbjet e forta në qafë derisa partnerja e tij e bindi atë të kërkonte ndihmë mjekësore. Testet zbuluan se gjendja ishte jashtëzakonisht e rëndë, pasi dëmtimi kërcënonte funksionin e palcës kurrizore dhe, si rrjedhojë, aftësinë e aktorit për të ecur ose për të folur.
“Mjeku i tha se kishte nevojë për një operacion urgjent sepse jeta e tij ishte në rrezik të menjëhershëm. Më thanë se kishte një dëmtim në qafë që preku shtyllën kurrizore dhe ndoshta të folurit,” zbuloi miku i tij.
Parashikimi ishte shqetësues për operacionin e aktorit pasi ekzistonte mundësia që ai të kthehej në një individ me aftësi të kufizuara të përhershme ose të humbiste aftësinë e tij për të folur, shpjegoi ndër të tjera Terry.
“Mjekët i thanë qartë se ekzistonte një rrezik serioz që ai të mos fliste më ose të ecte më. Ishte një mundësi traumatike,” theksoi Terry
© Panoramaplus.al