Megjithëse ndarja e tyre u përshkrua si “miqësore”, Kanye West dhe Kim Kardashian thuhet se nuk flasin më bashkë.
Burime për “Page Six” tregojnë se Kanye kishte ndërprerë kontaktin e drejtpërdrejtë me Kim edhe para se ajo të bënte kërkesën për divorc muajin e kaluar. Kanye thuhet se ndryshoi të gjithë numrat e tij të telefonit dhe i tha ish-gruas së tij: “Mund të më kontaktosh përmes sigurimit tim.”
Por, përkundër mungesës së tyre të komunikimit, burime të brendshme thonë se ata vazhdojnë të jenë të dy prindër të përkushtuar të katër fëmijëve të tyre, North, 7 vjeçe; Saint, 5 vjeç; Chicago, 3; dhe Psalm, 1 vjeç.
Kanye i viziton rregullisht fëmijët në shtëpinë e tyre në Kaliforninë Jugore, ndërsa Kim nuk është në shtëpi – një marrëveshje për të cilën kanë rënë dakord të dy.
“Ajo i beson atij për sa u përket fëmijëve. Ai i do ata dhe po i takon shumë shpesh,” pohoi burimi. “Ajo largohet nga shtëpia dhe ai vjen dhe rri me fëmijët. Ata kanë një ushtri dadosh, kështu që tranzicioni është i lehtë.”
Informacionet e ardhura nga ky burim i ka konfirmuar edhe “People”. Një burim i tha revistës se Kanye do të kalojë kohë me fëmijët e tij me një dado të pranishme, por ka kërkuar mungesën e Kim gjatë asaj kohe.
“Kim e ka bërë të qartë se Kanye mund të flasë me fëmijët e tij në çdo kohë që dëshiron“,- tha burimi. “Ajo kurrë nuk e ka kërcënuar se do ta mbajë larg fëmijëve. Ajo vetëm kërkon që ai të mos i dëmtojë. Ajo e di që ai i do ata, dhe ata e duan atë. Kanye mund të komunikojë në FaceTime fëmijët në çdo kohë që ai dëshiron.”
Kim bëri kërkesë për divorc muajin e kaluar, pas gati 7 viteve martese. Është raportuar se Kanye ka kaluar një periudhë të vështirë për shkak të ndarjes, por ka gjetur qetësinë me fëmijët e tij.
© Panoramaplus.al