Alaia Baldwin, motra e Hailey Bieber, përballet me katër akuza pas një incidenti të dhunshëm në një bar në Georgia, që mund ta çojë në burg.
33-vjeçarja u arrestua në shkurt 2024 në Savannah, Georgia, pasi dyshohet se sulmoi tre punonjës të lokalit. Sipas raportimeve, Baldwin i hodhi një tampon të përdorur një kamariereje në banjën e stafit, goditi një punonjës në organet gjenitale dhe i shkuli flokët një tjetër punonjësi.
Të hënën, më 26 janar, prokurorët ngritën katër akuza kundër saj: sulm i thjeshtë, dhunë e thjeshtë, shkelje e pronës dhe kundërvajtje. Nëse dënohet, ajo mund të përballet me deri në një vit burg, me seancën e dënimit të planifikuar më 23 prill.
Hailey Bieber’s sister, Alaia Baldwin Aronow, is facing potential jail time after being officially charged over her 2024 arrest, where she was accused of throwing her tampon at a woman, Us Weekly can exclusively report. https://t.co/mz6Ojj6HQx
— Us Weekly (@usweekly) January 28, 2026
Incidenti sipas punonjësve nisi kur Baldwin hyri në tualetin e stafit, ku iu kërkua të shkonte në tualetin e klientëve. Ajo dyshohet se u bë agresive, kërcënoi punonjësit dhe sulmoi tre prej tyre. Njëri nga rojet e sigurisë u tërhoq për flokësh, ndërsa tjetri u godit në organet gjenitale. Kamariereja u përball me sulmin kur përpiqej të kontrollonte situatën dhe sipas saj, Baldwin i hodhi tamponin e përdorur.
Hailey Coley, kamarierja e përfshirë, deklaroi për TMZ se Baldwin dhe shoqëria e saj nuk lejoheshin në tualetin e stafit. “Unë thirra sigurimin dhe ata e mbanë nën kontroll,” tha ajo, duke shtuar se beson se Baldwin ishte nën ndikimin e alkoolit.
Nga ana e saj, Alaia Baldwin i tha policisë se veproi në vetëmbrojtje. Avokati i saj, Drew Findling, në një deklaratë për TMZ tha se Baldwin ishte e penduar për ngjarjet e asaj nate dhe po merr masat për të mos lejuar përsëritjen e tyre.
© Panoramaplus.al