Studime të ndryshme sugjerojnë se tek meshkujt e moshës 30-40 vjeç, duhanpirja rrit rrezikun e disfunksionit erektil me rreth 50%.
Siç shpjegojnë ekspertët, për të pasur një ereksion të kënaqshëm, gjaku duhet të jetë në gjendje të rrjedhë lirshëm në penis. Nikotina në cigare mund të dëmtojë enët e gjakut dhe të shkaktojë shkatërrimin e tyre.
Përveç kësaj, shkakton ngushtim të arterieve që çojnë në penis, duke rezultuar në uljen e rrjedhjes dhe uljen e presionit të gjakut lokal. Prandaj, burrat kanë një arsye më të mirë për të lënë duhanin për hir të jetës së tyre të dashurisë.
Çfarë është disfunksioni erektil
Disfunksioni erektil është paaftësia e një burri për të arritur ose mbajtur ereksionin e nevojshëm për të kënaqur nevojat e tij seksuale, si dhe ato të partneres së tij.
Është e vërtetë që shumica e meshkujve e kanë paraqitur këtë problem në një moment të jetës së tyre, zakonisht pas të 40-tave, gjë që ndikon edhe në gjendjen e tyre psikologjike.
Disfunksioni erektil që ndodh herë pas here është një problem shumë i zakonshëm. Prandaj duhet pritur që në një moment gjatë jetës së tij, një mashkull do ta ketë të vështirë të arrijë ereksionin që dëshiron edhe nëse i është paraprirë nga stimulimi i mjaftueshëm seksual.
Studiuesit shprehen se problemi ndryshon nga njeriu në njeri, disa meshkuj kanë vështirësi në ereksion gjatë paralojës, të tjerë hasin vështirësi gjatë marrëdhënieve seksuale dhe ka nga ata që e përjetojnë problemin me një partnere të caktuar!
Megjithatë, duhet të shtojmë se humbja e peshës, ushqimi më i mirë, pirja e më pak alkoolit dhe gjumi i mjaftueshëm mund të ndihmojnë në kthimin e disfunksionit erektil.
© Panoramaplus.al