Një ditë më parë, këngëtari i famshëm Chris Brown u arrestua në Paris, pasi u akuza se ka përdhunuar një modele franceze.
Një 24-vjeçare ka akuzuar këngëtarin duke thënë se e përdhunoi mbrëmjen e 15 janarit në një hotel në kryeqytetin francez.
Vajza ka dhënë një intervistë për revistën “French Closer”, ku është shprehur se Chris e takoi nga një mikeshë që punonte në klubin e natës ku ai do të performonte.
“Shoqja më pyeti se çfarë do të bëja të nesërmen dhe nëse doja të takoja Chris Brown. Unë i thashë po dhe ditën tjetër kishim një takim në 11:30 të natës në hotelin Mandarin Oriental ku do takonim reperin. Në recepsionin e hotelit u takova me miqtë e tij dhe disa vajza tjera. Të gjithë shkuam te suita ku qëndronte për ta marrë dhe më pas shkuam në klubin e natën “The Quay””, ka rrëfyer 24-vjeçarja.
“Gjithçka po shkonte mirë. Rreth 4 të mëngjesit, ata vendosën të ktheheshin në hotel. Unë doja të shkoja në shtëpi, por një prej stafit të Chris Brown më kapi nga krahu dhe më tha të shkoja se do kalonim të gjithë një natë të bukur”, vazhdon rrëfimin ajo.
“Kur dolëm nga klubi, ishin dy makina të mëdha “Mercedes” të mbushura plot. Unë i thashë se nuk ka vend, prandaj po shkoj në shtëpi. Nuk më lejuan të largohesha dhe me futën në makinën e Chris Brown me një vajzë tjetër. Para se të hynim në suitë, bodigardi na i mori celularët. E konsiderova si një moment për të ruajtur privatësinë e këngëtarit nga fotografitë prandaj nuk u shqetësova. Hymë brenda dhe na ofruan pije, kokainë dhe kanabis. Ishin rreth 15 vajza, mikesha të Chris Brown. Muzika ishte e lartë, njerëzit hynin e dilnin. Ishte pak kaotike”, tregoi 24-vjeçarja.
Ndërkohë ajo ka shtuar se momenti kur do të përjetonte përdhunimin vinte nga një takim me reperin në tualet.
“Unë shkova në banjë. Chris Brown më ndoqi dhe më kapi nga krahu. Ai më futi në një dhomë zhveshjeje dhe mbylli derën. Zgjati 25 deri 30 minuta. Është e vështirë për mua ta tregoj në detaje se çfarë bëri ai, por ishte brutale dhe e dhunshme. Ai më kërcënonte dhe ishte agresiv. Kisha frikë. Sapo përfundoi, hapi derën. I thashë se dua të marr celularin e të shkoj në shtëpi.
Chris Brown shkoi te një prej miqve të tij. Mendoja se do më jepnin celularin, por jo. Bodigardi më futi në dhomën e tij, mbylli derën dhe abuzoi me mua. E njëjta gjë ndodhi dhe pas tij. Isha e frikësuar dhe doja të shkoja në shtëpi. Aty ishin tre meshkuj muskulozë dhe agresivë. Nuk mund të bëja asgjë. Isha e tmerruar dhe e humbur në atë vend”, përfundoi 24-vjeçarja.
