Modelja 19-vjeçare, Amelia Hamlin, është në qendër të vëmendjes për shkak të lidhjes me Scott Disick, ish-partnerin e Kourtney Kardashian.
Dyshja kanë një diferencë prej 18 vitesh së bashku, por duket se kjo nuk i shqetëson aspak që të dalin bashkë edhe në publik, shkruan “Daily Mail”.
Së fundmi, modelja ka postuar disa imazhe të reja në llogarinë e saj në Instagram, duke i lënë ndjekësit “pa frymë”.
Bukuroshja shfaqej e veshur vetëm me të brendshme të bardha me dantellë, të cilat i tregonin thuajse çdo gjë.
Ajo kishte bërë make up natyral, ku mbizotëronin ngjyrat e tokës, ndërsa flokët i kishte lënë të lëshuar.
Amelia prej kohësh ka vuajtur nga anoreksia, derisa në vitin 2018 vendosi që ta luftonte këtë gjendje.
Vajza e Lisa Rinna, 57 vjeç dhe Harry Hamlin, 69 vjeç, tha se çrregullimi i të ngrënit filloi kur pa fotot që i kishin bërë paparacët kur ishte 14 ose 15 vjeç.
Ajo tha se në atë periudhë ndihej shumë keq me trupin e saj, dhe vendosi që të mbante një dietë të fortë, e cila e përkeqësoi edhe më shumë shëndetin e saj.
Familja u detyrua që ta çonte të ndiqte një trajtim, ndryshe modelja rrezikonte të vdiste.
Kjo ishte një ndër arsyet pse familja e saj ishte kundër lidhjes me Scott, sepse ai është i divorcuar dhe me tre fëmijë dhe ka pasur edhe vetë probleme me shëndetin mendor, gjë që mund t’i ndikojë edhe Amelia-s.
