Justin Bieber ka shpërndarë një postim të ndjerë për gruan e tij, Hailey, gjatë udhëtimit të tyre në Aspen duke ju dhënë fund spekulimeve se në martesën e tyre ekziston një krizë.
Ai ndau një fotografi të Hailey-t, e cila buzëqeshte dhe shfaqej e veshur me një pallto të gjatë dhe një shall.
Justin e quajti atë “gruaja më e mrekullueshme që kam njohur” dhe përdori një zemër për të shprehur dashurinë e tij, shkruan DailyMail.
Ky postim erdhi një ditë pas një postimi tjetër, ku Justin shpërndau një fotografi duke u zhytur në ujërat e akullta gjatë pushimeve. Ai gjithashtu ndau një fotografi duke shijuar dëborën me një mik.
Spekulimet për problemet martesore mes dyshes u rritën pas disa ngjarjeve të fundit, përfshirë një detaji shqetësues në Instagram ku u vu re se Justin nuk po ndjek disa persona të rëndësishëm në jetën e tij, si vjehrrin Stephen Baldwin dhe mentorin Usher.
Megjithatë, postimet e fundit të këngëtarit dhe aktivitetet si patinazhi në akull dhe ski me miqtë e famshëm tregojnë se marrëdhënia e tij me Hailey-n mund të jetë duke lulëzuar.
Fansat kanë dhënë mendime të ndryshme për mundësinë e një divorci, me disa që mendojnë se Justin mund të kërkojë t’i kthehet jetës së tij të mëparshme.
Në mes të gjithë spekulimeve, postimi i Justin për Hailey tregon se ata vazhdojnë të mbajnë një lidhje të fortë, përkundër thashethemeve.
