Shqipe Hysenaj është konkurrentja që u pezullua nga “Përputhen”, sepse u akuzua për bullizëm ndaj konkurrentëve të tjerë në studio.
28-vjeçarja ra menjëherë në sy për tipin e saj impulsiv dhe sipas produksionit, vendimi ishte marrë për shkak se ajo shfaqi edhe homofobi.
Së fundmi, Shqipja ka folur për prapaskenat e këtij emisioni dhe për vendimin që u mor për të tek “Prive”.
Si fillim, ajo tha se nuk ka ndërmend të kthehet tek “Përputhen”, ndërsa ajo që i ka mbetur peng lidhet me faktin që nuk iu dha mundësia të sqarohej në publik.
Sipas saj, emisioni është real, por njerëzit brenda tij jo. Shqipja rrëfeu se ndihet e ofenfuar nga opinionisti, Arjan Konomi.
“Pse e kam përmendur gjyqin për Arjanin? Nëse shkoni tek debati me të, do shikoni që aty janë prerë pjesët dhe kam dal vetëm unë që them ‘do shihemi në gjyq”. Por pse e kam thënë këtë unë? Sepse ai më ka thënë që ti je ‘rrugaçe’, më quajti rrugaçe disa herë,”- u shpreh Shqipja.
E pyetur në lidhje me debatin që patinë studio me të gjithë për përqeshjen që i bëri Gracianos, Shqipja tha:
“Unë nuk jam homofobe. Por nuk mund ta merrja si gjë normale kur një vajzë 21 vjeç dhe një djalë po promovonin prostitucionin dhe orgjinë, marrëdhënien në grup. Unë jam pro familjes, por kur një familje vendos të shkojë me një të tretë unë gjykoj. Jo personin, por veprimin”.
Në lidhje me të ardhmen Shqipja u shpreh se synimi i saj tashmë është televizioni, pasi kishte kuptuar se njerëzit e donin fytyrën e saj.
