Mc Kresha dhe Elhaida Dani bashkë në një spektakël. Ja cila do të jetë skena ku do të mund t’i ndiqni çdo javë si anëtarë jurie!

Dy artistët, Mc Kresha dhe Elhaida Dani do të jenë pjesë e jurisë së “X Factor Albania”, që pritet të rikthehet në Tv Klan.

Prej dy javësh, shumë emra janë përfolur si anëtarë të jurisë, por zërat flasin se dy prej tyre do të jenë pikërisht dy këngëtarët Kresha dhe Elhaida.

Kujtojmë se Elhaida është fituese e një talent-shoë të ngjashëm në Itali, ndërsa Mc Kresha, një nga reperët më të suksesshëm vitet e fundit në tregun tonë.

Gjithsesi mbetet për t’u parë cilët do të ulen vërtetë në karriget e jurisë.

Theksojmë se ‘X Factor’ ka nisur audicionet nëpër Shqipëri dhe së shpejti do të nisin edhe netët live.