Lana Turnerk, ikona e parë s*ksi e Hollywood-it! Misteri i vrasjes së saj që tronditi Amerikën

Emri i saj lidhet menjëherë me epokën e artë të Hollivudit. Lana Turner nuk ishte thjesht një aktore, ajo ishte një legjendë e gjallë, një ikonë seksuale që shndërroi imazhin e gruas në ekran dhe krijoi një magnetizëm të rrallë që ende frymëzon kulturën popullore amerikane.

E lindur si Julia Jean Turner në një familje të varfër punëtore në Idaho më 8 shkurt 1921, jeta e saj mori kthesë të errët kur babai u vra brutalisht pas një loje fati. E rritur mes mungesës, zhvendosjeve dhe abuzimeve, Lana do të gjente shpëtim në shkëlqimin e rremë të Los Anxhelosit, ku në moshën 16-vjeçare u zbulua rastësisht në një bar nga një redaktor i “Hollywood Reporter”. Brenda pak muajsh, ajo do të shndërrohej në yllin e studios MGM, duke fituar miliona me pamjen e saj joshëse dhe talentin e saj të natyrshëm.

Roli i saj si femme fatale në filmin noir “The Postman Always Rings Twice” (1946) e ktheu në simbolin e padiskutueshëm të erotizmit në kinema. Me flokët e saj argjendi, lëkurën prej fildishi dhe shikimin provokues, Turner elektrizonte audiencat dhe sfidonte edhe aktorët më të mëdhenj të kohës.

Por jeta e saj private do të ishte po aq dramatike sa filmat që luante. Martuar tetë herë dhe e përfshirë në marrëdhënie të trazuara, ajo përjetoi kulmin e skandalit në vitin 1958, kur i dashuri i saj gangster, Johnny Stompanato, u vra me thikë nga vajza e saj 14-vjeçare, Cheryl. Ndërsa gjykata e shpalli vajzën të pafajshme për vetëmbrojtje, misteri dhe dyshimet rreth asaj nate nuk janë zhbërë kurrë.

Lana Turner nuk u thye. Ajo vazhdoi të interpretonte në filma të suksesshëm si “Peyton Place” (që i solli një nominim për Oscar) dhe “Imitation of Life”. Ajo mbeti një figurë e ndërlikuar, një grua që i mbijetoi Hollivudit, e cila jetoi në hijen e lavdisë dhe skandalit njëkohësisht.

Turner ndërroi jetë në vitin 1995 nga kanceri, në moshën 74-vjeçare. Edhe pse e ndërtuar nga një sistem i fuqishëm filmi, ajo kishte gjithçka për të qenë një idhull i vërtetë: një histori që filloi si përrallë “Hirushja” dhe përfundoi si një legjendë amerikane.