Kylie Jenner duket se është bërë nostalgjike dhe vendosi të ndante disa nga momentet më të bukura me vajzën e saj, Stormi-n.
23-vjeçarja iu bashkua sfidës së re në Instagram, “Show me a picture of”, në bazë të së cilës iu përgjigj kërkesave për foto të ndryshme fansave të saj, raporton “Us Magazine”.
Ndjekësit kërkuan të shihnin gjëra të tilla si këpucët më interesante të Kylie, foton e saj të preferuar me mamanë, Kris Jenner, dhe një foto të saj me shoqen më të mirë të fëmijërisë.
Sidoqoftë, një ndjekës kërkoi që ylli i “Keeping Up With the Kardashian” të postonte një foto të pa parë më herët të Stormit.
23-vjeçarja “u detyrua” të tregonte një imazh të ëmbël të vajzës së porsalindur, të mbështjellë me një batanije të bardhë, kur kishte vetëm një javë që kishte ardhur në jetë.
Stormi së shpejti do të bëhet 3 vjeç dhe në fillim të kësaj jave, Kylie u shpreh në një postim se nuk mund të besonte se sa shpejt po kalon koha për të voglën e saj.
Javën e kaluar nënë e bijë fluturuan drejt Houston, Texas, për të mbështetur Travis në një eveniment bamirësie.
Ato iu bashkuan reperit në dhurimin e lodrave për fëmijë dhe ushqimeve, me fondacionin “Cactus Jack”.
28-vjeçari iu bashkua kësaj nisme për t’u ardhur në ndihmë njerëzve në këtë kohë pandemie, në lagjen “Sunnyside Park”, ku ai u rrit.
© Panoramaplus.al