Ish i fejuari i konkurentes së “Big Brother Vip Kosova” Vesa Vllasaliu, Mërgim Berisha e ka humbur sezonin e ri pas lëndimit të rëndë të pësuar në fillim të javës së kaluar.
Kjo u konfirmua nga vet klubi gjerman në një deklaratë për media.
“Kontrollet e hollësishme kanë vërtetuar dyshimin se Mërgim Berisha pësoi një këputje të ligamentit të kryqëzuar në gjurin e djathtë gjatë stërvitjes. Ai tani do t’i nënshtrohet një operacioni dhe do të duhet të marrë një pushim për muajt e ardhshëm”, thuhet në njoftim.
Lajmi vjen menjëherë pasi disa nga banorët e mallkuan futbollistin pasi Vesa iu tregoi atyre version e sja të historisë, duke thënë se ai e tradhtoi dy muaj para martesës me shoqen e saj të ngushtë, Edona Berisha e cila është edhe partnerja e tij aktuale.
“Kurrë gol mos dhaftë, e theftë këmbën”, kishte thënë Gani Gërmia.
Dhe si për ironi të fatit, të dy këto mallkime “kanë shkuar në vend” pasi futbollisti nuk do të jetë në gjendje të shënojë asnjë gol në sezonin e ri nga mungesa në lojë.
