Klea Huta dhe Elgit Doda janë padyshim një prej çifteve më të preferuar të publikut shqiptar. Që kur bënë publike lidhje, të gjithë janë sy e veshë nga profilet e tyre në rrjetet sociale në pritje për të mësuar ndonjë detaj të ri nga lidhja e tyre.
Por këtë herë që të dy i kanë lënë fansat e tyre pa fjalë, pasi ashtu si me shaka publikuan duetin e parë së bashku.
Elgiti ka publikuar dy video në “Instastorie”, ku në të parën dëgjihet Klea e cila këndon e vetme, ndërkohë që ai shkruan: “E zunë hallet!’
Ndërsa në videon e dytë, dyshja këndon së bashku këngën “E dehun” të Nexhmije Pagarushës në një duet super romantik, ku zërat e tyre kombinohen në mënyrë të mrekullueshme.
“Na zunë hallet bashkë!”, shkruan me humor Elgiti, ndërsa Klea shkruan: “Po qajmë hallet, pooor me piano këtë herë!”.
PANORAMA PLUS
© Panoramaplus.al