Moderatorja e njohur, Arbana Osmani, ka treguar prej kohësh tashmë se kuzhina është pasioni i saj.
Por, duket se Eduart Grishaj, partneri i saj, e ka “sfiduar” me një recetë për 5 minuta.
Ditën e djeshme, regjisori publikoi në Instagram disa video, ku shfaqej duke ushqyer disa lepuj me misra.
“Arbana Osmani, receta ime për 5 minuta për një super darkë. Nesër do t’i sjell të gjithë për drekë”, ka shkruar Grishaj, krahas videove.
Ndërkohë, duket se kjo ide i ka pëlqyer shumë djalit të moderatores, e cila iu përgjigj:
“Joni thotë na i sill të gjithë se do i mbaj te dhoma”.
Arbana dhe Eduarti jetojnë prej kohësh në një shtëpi bashkë me djalin e moderatores, por së shpejti, familja e tyre do të zgjerohet.
Arbana do të sjellë në jetë një djalë dhe kështu Joni do të bëhet me vëlla.
Aktualisht, Eduarti ndodhet në Theth, aty ku po realizon xhirimet e filmit të ri.
