Ish-banorja e “BBV”, Efi Dhedhes gjatë një interviste të zhvilluar së fundmi në “E Diell”, ajo ka treguar më shumë për marrëdhënien që ka me disa nga ish-konkurrentët e reality show.
Efi tha se e ka uruar Kiarën për ardhjen në jetë të vajzës së saj Luna Mari Ejlli, megjithëse nuk i ka bërë një dhuratë.
“Po patjetër, nuk na lënë fansat mos ta bëjmë publikisht. Nuk i kam blerë dhuratë”- tha ajo.
Përsa i përket pyetjes së moderatores se cili është personi që nuk do ti flasë më kurrë, Efi tha: “Luizit, se nuk dua”.
Nga ana tjetër ish-banorja e “BBV” tregoi se Olta Gixhari ishte arsyeja që ajo nuk u bë pjesë e konkursit të kërcimit “Dancing With The Stars”, pasi Efi e mori vesh që aktorja ishte pjesë e jurisë.
“Mora vesh disa emra që do ishin pjesë në njëfarë mënyre, isha shumë e ngarkuar pas ‘Big-ut’ për të përballur sërish debate ose disa situata të sikletsshme aty. Ishte Olta, nuk kemi asnjë marrëdhënie. Nuk kisha nerva për atë periudhë”- tregoi Efi.
© Panoramaplus.al