Luiz Ejlli dhe Kiara Tito po bëhen prindër për herë të parë.
Çifti së shpejti do të sjellin në jetë një vajzë, duke kurorëzuar me një fëmijë historinë e tyre të dashurisë në “Big Brother Vip”.
Kanë qenë vetë dyshja të cilët e kanë konfimuar lajmin e ëmbël me këngën e Luizit të titulluar “Frymë”, ku ndanë më ndjekësit momentin që ata e morën vesh lajmin e bukur.
Shumë personazhe të njohura të showbizit shqiptar i uruan Luizin dhe Kiarën për të voglën e tyre, ndërsa ajo se çfarë ra në sytë e publikut ishte mungesa e një urimi nga ana e Olta Gixharit.
Me këtë veprim aktorja iu ka dhënë fund aludimeve mbi marrëdhënien e saj me këngëtarin shkodran, megjithëse nuk është pranuar nga ana e tyre, prej kohësh është vënë re një ftohje mes tyre.
As filmi “Në Kuadër të Dashurisë”, ku dyshja janë protagonistët kryesorë nuk i bëri ata që të harrojnë hatërmbetjet e të kaluarës në “BBV” të cilët ishin “armiq të betuar” në lojë.
Ndryshe nga Efi Dhedhes, Olta ka vendosur që të mos i urojë çiftin për frytin e tyre të dashurisë.
Edhe gjatë xhirmeve të filmit shpesh herë aktorja ka treguar se marrëdhënia e tyre është ndjerë edhe tek kasti, teksa gjatë provave nuk kanë munguar as debatet mes njëri-tjetrit.
“Raporti që ne kemi në jetën reale është ndjerë gjatë gjithë kohës në xhirime. U reflektua një tension që kishim me njëri tjetrin. Nuk është se ka ndodhur ndonjë gjë e çuditshme. Punonim, pastaj nuk punonim, pastaj bënim fjalë, pastaj ziheshim. Pastaj…. kështu ka qenë”– ka treguar Olta.
