Pas lirimit nga akuzat, Chiara Ferragni ka thyer heshtjen dhe ka komentuar publikisht çështjen gjyqësore që e kishte si protagoniste për dy vjet, të njohur si “Pandoro Gate”, dhe që u mbyll me një lirimin nga akuzat.
“Procesi im u mbyll me një lirimin nga akuzat. Gjykatësi vendosi që nuk ekzistonin as kushtet për një proces penal. Është një frazë e thjeshtë, teknike, përfundimtare në nivel penal. Dhe është e drejtë të nisësh nga kjo”, kështu nis postimi i gjatë në Instagram i Chiara Ferragnit.
Blogerja thotë se gjykata e quajti çështjen të pabazë për ndjekje penale, ndërsa shton se e pranoi dhe pagoi për gabimin e saj, pasi kujtojmë se më vonë bëri edhe dhurime parash.
“Këta dy vjet kanë qenë më se të vështirë”, shkruan influencerja. “Jo sepse kisha dyshime për veten, por sepse të jetosh nën një gjykim të vazhdueshëm, pa mundur të përgjigjesh, pa mundur të shpjegosh, të provon në mënyrë të thellë. Gjithmonë kam marrë përgjegjësi për çfarëdo që lidhej me reklamat mashtruese. Kuptova që ishte një gabim dhe ishte e drejtë ta pranoja. E bëra: kam paguar, kam korrigjuar, kam kërkuar falje.”
Chiara thotë se nuk kishte asnjë arsye që ajo të mashtronte kur ndodhej në kulmin e karrierës. Sipas saj, çështja nuk duhet të kishte marrë kurrë këtë rrugë, ndërsa e përmbyll komentin duke thënë se nuk po feston një fitore, por po mbyll një kapitull.
“Çmimi im në ato operacione ishte fikse, nuk fitonim në bazë të shitjeve. Isha në kulmin e imazhit dhe punës sime. Nuk kishte asnjë arsye, ekonomike apo logjike, për të mashtruar dikë. Pikërisht për këtë, një gjë është gabim administrativ, një gjë tjetër është krim penal. Dhe kurrë nuk kanë qenë e njëjta gjë. Vendimi i djeshëm nuk është një ‘lirimi i pjesshëm’, siç kanë tentuar disa të bëjnë të besojnë. Është, nëse mund të thuhet, diçka edhe më e qartë: do të thotë që ky proces, ashtu si ishte ndërtuar, nuk kishte as bazat për të ekzistuar plotësisht.
Nuk është: ‘Nuk dimë si ka ndodhur’. Është: ‘Nuk kishte baza për të zhvilluar një procedim penal’. Dhe kjo ndoshta është pjesa më e fortë nga të gjitha. Sepse do të thotë që për dy vjet kam qëndruar e ekspozuar, e gjykuar, për diçka që nuk duhej të kishte marrë këtë rrugë. Nuk e them me zemërim. E them me ndërgjegje. Me qartësi, duke ditur që kam përballuar gjithçka pa u larguar, pa u fshehur, duke respektuar drejtësinë dhe heshtjen edhe kur ishte më e vështira gjë për t’u bërë. Sot nuk festoj një fitore. Sot mbyll një kapitull”, shkruan influencerja.
