Rrjetet sociale “Facebook”, “Instagram” dhe “Whastapp” kanë dalë jashtë funksionit.
“DownDetector” ka shpjeguar se problemet me këto rrjete sociale kanë nisur rreth orës 14:49 dhe kanë prekur përdorues në Europë dhe Shtetet e Bashkuara të Amerikës.
Mediat e huaja shkruajnë se arsyeja e këtij bllokimi universal mbetet e paqartë. Sipas “Mirror”, 82% e atyre që kanë raportuar problemet me “Instagram”-in thanë se gjithçka lidhej me “News Feed”, 11% me website-n, dhe 6% me log-in.
Ndërsa përdoruesit e “Facebook”-ut janë shprehur se nuk shfaqen fotot, madje ato të vjetrat shfaqen si kode dhe jo si imazh i qartë.
“A ka njeri tjetër probleme me publikimin e fotove në Facebook dhe Instagram apo në Whatsapp? Sa ditë e bukur! Kam 30 minuta që përpiqem të postoj një foto, por pa fat”, ka shkruar dikush duke u ankuar për problemin e rrjeteve sociale.
© Panoramaplus.al