Jessie J ka zbuluar se e ka kaluar natën e Krishtlindjeve në spital, pasi nuk ishte në gjendje të dëgjonte me njërin nga veshët.
Këngëtarja 32-vjeçare, tregoi se ishte diagnostikuar me sëmundjen e “Meniere”, e cila mund të shkaktojë humbje të dëgjimit, marrje mendsh në mënyrë të papritur, turbullim të shikimit, të mos qenit në gjendje për të mbajtur ekuilibrit kur ecën raporton “Mirror”.
Nëpërmjet një videoje në Instagram, ajo tha:
“Në thelb më thanë që kisha sindromën ‘Meniere’. Unë e di që shumë njerëz vuajnë nga kjo sindromë dhe shumica prej tyre më kanë dhënë këshilla të shkëlqyera.
Tani është hera e parë që kam qenë në gjendje të këndoj dhe të dëgjoj këndimin tim.
Mund të ishte edhe më keq, por është kështu siç është. Jam shumë mirënjohëse për shëndetin tim.
Shkova shpejt në spital dhe ata e gjetën menjëherë se çfarë ishte, prandaj më dhanë mjekimin e duhur, kështu që ndihem shumë më mirë sot”.
Jessie u rikthye në Instagram në ditën e Krishtlindjeve për të folur për diagnozën dhe simptomat.
Ajo rrëfeu gjithashtu se ka qarë shumë, sepse i mungon shumë familja, e cila është në Mbretërinë e Bashkuar.
© Panoramaplus.al