Gwen Stefani dhe tre djemtë e saj kanë luftuar të gjithë me disleksinë, për të cilën ajo beson se varet nga “gjenetika”.
Në një intervistë me Zane Lowe të “Apple Music”, këngëtarja amerikane tha se e kishte kuptuar problemin e saj nga vështirësitë që kishte hasur teksa u mësonte djemve leksionet e shkollës, raporton “Glamour”.
“Një gjë e kam zbuluar nga fëmijët dhe ajo është se kam disleksi. Ndjej se shumë prej problemeve që kam pasur apo edhe vendimet që kam marrë për veten burojnë nga kjo,”- tregoi 51-vjeçarja.
“Unë isha një vajzë e mirë. Nuk bëja gjëra të këqija. Ishte vërtet e vështirë për mua të funksionoja në atë kuti katrore të shkollës që të gjithë duhej ta kuptonin.”- shtoi ajo kur tregoi se kishte dështuar akademikisht.
Disleksia e njohur edhe si çrregullim leximi, karakterizohet nga probleme me leximin pavarësisht nga inteligjenca normale. Njerëz të ndryshëm preken në shkallë të ndryshme.
Problemet mund të përfshijnë vështirësi në leximin e fjalëve, lexim i nxituar (i shpejtuar), duke shkruar fjalë, duke “fryrë” fjalët në kokë, duke shqiptuar fjalë kur lexojnë me zë të lartë dhe kur kuptojnë atë që lexojnë. Shpesh këto vështirësi vërehen së pari në shkollë.
Kur dikush, i cili më parë mund të lexonte, e humb këtë aftësi, atëherë kemi të bëjmë me aleksi. Vështirësitë janë të pavullnetshme dhe njerëzit me këtë çrregullim kanë një dëshirë normale për të mësuar.
© Panoramaplus.al