Festivali “Kënga Magjike” është eventi ku artistët pjesëmarrës kontribojnë me këngët e tyre dhe garojnë për vendin e parë.
Këtë edicion data e mbajtjes së festivalit do të ndryshojë duke iu rikthyer edhe njëherë traditës së zhvillimit të tij gjatë muajve të fundvitit, ndryshe nga viti i kaluar.
Në vitin 2021 u mbajt gjatë pranverës , por së fundmi produksioni ka njoftuar se janë shpallur datat 23 dhe 24 maj 2022 ku artistët mund të dorëzojnë këngët ë tyre pranë “Tv Klan”.
Këtë vit netët finale do të organizohen në nëntor, ndryshe nga viti 2021 që u zhvilluan në maj.
Po ashtu janë zbuluar edhe anëtarët e jurisë të “Kënga Magjike 2022” të cilët dp të jenë: aktorja Ema Andrea, këngëtarja Jonida Maliqi, kantautori Pirro Çako dhe gazetaret Mira Kazhani e Kozeta Kurti.
Rikujtojmë se Alban Ramosaj me këngën e tij “Thikat e mia” arriti të triumfonte dhe të rrëmbente çmimin e madh vitin e kaluar.
Në vendin e dytë u renditën Flori Mumajesi dhe Klajdi Haruni me këngën “E para”, ndërsa në të tretin artistja nga Gjeorgjia Nutsa.
Alban Ramosaj fitoi shumicën e pikëve nga kolegët e tij, që duket se e kanë pëlqyer këtë baladë të fuqishme po aq sa publiku e cila u kthye në hit. Po ashtu ai mori shumicën e pikëve edhe nga juria profesioniste e përbërë nga Jonida Maliqi, Arben Skënderi, Markelian Kapidani, Kozeta Kurti dhe Enkel Demi.
© Panoramaplus.al
