Skeçi i Stresit në krevat me Roza Latin, që risillte në vëmendje momentin kur reperi u kap në shtrat me një femër, bëri bujë në media vitin e kaluar.
Partnerja e Stresit nuk e priti aspak mirë dhe u shpreh se moderatorja i cenoi jetën private, si edhe u tall me vuajtjen e saj.
Por duket se inatet mes Roza Latit dhe Keisit nuk kanë kaluar. Gjatë një interviste në emisionin “Rudina”, moderatorja u bë pjesë e një loje ku personazhe të showbizz duhej ti krahasonte me një emoji.
Teksa në ekran iu shfaq një foto e çiftit, ajo zgjodhi emojin e zemrës për Stresin, ndërsa emojin e jashtëqitjes për Keisin.
“Apapa për Stresin e kam këtë zemrën sepse Stresi është si zemër, është djalë shumë korrekt dhe djalë shumë i mirë. Kurse për atë vajzën ka ngelur kjo, emoji i jashtëqitjes. Nuk do doja t’i vija këtë, do të doja t’i vija këtë emojin e inatit, por kjo ka ngelur për reagimin e saj ekstrem kot pa lidhje që pati për skeçin që kam bërë me Stresin, por disa njerëz, disa gjëra i bëjnë edhe për vëmendje dhe për fame”- u shpreh ajo.
Pas deklaratës së Roza Latit, reagoi ashpër reperi, i cili në një postim në Instagram i drejtohet duke i thënë: “Femra si ti nuk i vijnë as tek thembra e këmbës Keisit”.
Më pas e pyeti moderatores sesi do ndihej nëse do i ofendonte mamanë, aktoren Rita Lati.
“Roza si do të ndiheshe nëse të ofendoj nënën ty? S’mundem të të ofendoj të dashurin, cilin i bie të ofendoj dy tre emra. Keisit nuk i vijnë as tek thembra vajza si ty”- shkroi ai.
/Panoramaplus.al
