Prej shumë vitesh përflitet për një lidhje me Young Zerkës dhe Ronela Hajatit. Por çifti nuk e ka konfirmuar asnjëherë publikisht. Ata gjithmonë i shmangen pyetjeve rreth njëri-tjetrit në intervista.
I ftuar në emisionin “Glamour Zone” në RTV Ora, ai u pyet se si po shkon marrëdhënia me Ronelën dhe këngëtari u përgjigj: “Shumë mirë shyqyr Zotit. Në muzikë po kemi shumë vite bashkë, diku afërsisht 5 vite.”
Ndërsa pyetjen se si po shkon lidhja në çift me Hajatin, Zerka e komentoi: “Si çift? Në ç’kuptim si çift?”
Këngëtari foli edhe për planet për krijimin e një familje duke thënë se në të ardhmen e mendon veten të martuar duke e konsideruar një bekim.
“Patjetër që e mendoj veten të martuar. Vjen një kohë që njeriu do të krijojë familje. Nuk është turp. Për mua është bekim,”- tha ai.
E ke gjetur dashurinë e jetës?
“Edhe mundet,”-u përgjigj Zerka.
Ndërsa rrëfeu edhe përse nuk e ka bërë publike lidhjen me Ronelën.
“Këtu në Shqipëri është më pak e theksuar, të bëjnë shumë pyetje ‘jo po kush e bën kafen e mëngjesit’. Më kupton?”– u shpreh ai.
