Dita e parë e shkollës është për të gjithë një ditë e paharrueshme!
Aktori i humorit, Julian Deda, është bërë nostalgjik dhe së fundmi ka postuar një foto në llogarinë e tij në Instagram nga dita e parë e shkollës, krah së cilës shkruante: “Dita ime e parë e shkollës, 32 vjet më parë! Ishte 1 shtator 1988. U zgjova tmerrësisht i lumtur nga gjumi.
Lava dhëmbët e faqe, dush nuk bëra se kisha bërë një natë më përpara. Vesha çorapet e bardha deri tek gjuri, përparësen e zezë, vura jakën e bardhë, vesha sandalet, domethënë të gjitha këto mi vishte mami, se unë isha tmerrësisht i zënë duke sqaruar një fetë bukë me gjalpë.
Mora çantën e shpinës me rripa, e theksoj me rripa (se ishte vështirë të gjendeshin në atë kohë) dhe me një tufë me lule në dorë shkova bashkë me prindërit deri te oborri i shkollës, në këmbë, e përsëris në këmbë (se është e rrallë sot).
Jo për gjë, por hera e parë nuk harrohet, në të gjitha rastet…!”
