Ju ka bërë të qeshni me lot, aktori rrëfen se ka mall për skenën e “Potokallisë”

Aktori Erand Sojli i cili aktualisht po punon për një projekt filmi në Shtetet e Bashkuara të Amerikës, ka thënë se nuk e harron “Portokallinë”.

Erandi ishte i ftuar një ditë më parë në “Pasdite në Top Channel” ku tregoi se ndjen mall për “Portokallinë” dhe se e ndjek edhe në Amerikë.

“Vazhdoj ta ndjek Portokallinë, në Amerikë i bie të transmetohet në orar dreke. Mbaj mend kur më zgjodhën Agron Llakaj dhe Altin Basha. Unë nuk i shikoja dot ata që po më dëgjonin, por vetëm dëgjoja të qeshurën e Agron Llakajt”, kujton Erandi.

Aktori i mirënjohur nuk harron edhe njeriun të cilit i takon merita që shqiptarët qeshin çdo të diele.

“Merita i takon njeriut të madh, Dritan Hoxhës. Me këmbënguljen e tij që ne të ishim më të mirët, duke na plotësuar çdo kusht, edhe mbi nevojat tona, ne u bëmë makina që prodhonim humor në Shqipëri”, deklaroi Erandi.