Pas daljes nga “Për’puthen”, marrëdhënia e Andi Artanit dhe Jasmina Kadriut mori një tjetër rrjedhë.
Dyshja nuk ndiqen më në rrjete sociale dhe kanë fshirë të gjitha fotot që kanë pasur bashkë.
Pak ditë më parë Jasmina reagoi edhe nëpërmjet një statusi në Instastory, ku i kërkonte ndjekësve të mos e pyesnin më për Andin, sepse ai zgjodhi këngëtaren Diona Fona dhe e “braktisi” publikisht ish-konkurrenten.
Gjatë një interviste të zhvilluar mbrëmjen e djeshme tek “Glamour Zone”, Jasmina zbuloi se i kishte bërë një dhuratë shumë të madhe Andit dhe ai nuk e kishte vlerësuar atë.
Ajo tha se i kishte sjellë vëllain nga Amerika për t’ia bërë surprizë, por ish-konkurrenti nuk e kishte përmendur askund këtë fakt.
Megjithatë, Andi ka reaguar nëpërmjet një postimi në Instastory, ku shkroi:
“Unë veten e kom sjell nga Amerika dhe surprizën unë ja kom bo vëllaut tem, por megjithatë faleminderit që më ke marrë prej aeroportit”.
Ndër të tjera, Jasmina tha se pas daljes nga programi, sjellja e Andit kishte ndryshuar shumë.
“Marrëdhënia është prishur në një lloj mënyre që as unë nuk e kuptoj atë, as ai nuk më kupton mua. Nuk jemi bashkë dhe nuk është se është për mungesë të dëshirës time, por është për mungesë të dëshirës së Andit.
Me kalimin e kohës ndryshoi shumë. Nuk ishin gjërat njësoj pas daljes. Dilnim bashkë, por fjalët ishin të njëjta. Me veprime ishte kundra fjalëve, ndërsa me fjalët ishte ende në dyshim për marrëdhënien. Me veprime tregonte se më donte, ndërsa me fjalë nuk ishte njësoj”.
Ish-konkurrentja tha se nuk është penduar që doli çift me Andin nga “Për’puthen”, por pranoi se është zhgënjyer shumë prej tij.
Krisja mes ish-çiftit nisi kur Andi pranoi të ishte protagonist në videoklipin e këngëtares Diona Fona. Jasmina tha se nuk ka qenë në dijeni të këtij bashkëpunimi dhe gjithashtu gjatë qëndrimit në program ajo e shprehu hapur xhelozinë ndaj komenteve flirtuese që dyshja shkëmbenin në Instagram.
