Ndonëse nuk e ka pasur problem se si duket trupi i saj, Aurela Gaçe shkon në palestër për të qëndruar sa më shëndetshëm.
Së fundmi, këngëtarja e njohur shqiptare vendosi të realizojë një video gjatë kohës që stërvitet dhe më pas e ka ndarë atë me ndjekësit.
Teksa ushtrohet për të forcuar krahët, në një moment artistja nuk e mban dot më peshën e trupit të saj dhe bie.
“Shikoje deri në fund. Jam e fortë, jam e fortë… nuk qenkam pra”, shkroi me shaka Aurela krahas postimit.
Gjatë bisedave virtuale me ndjekësit, Aurela ka treguar se më parë ka vuajtur nga ankthi.
Ajo u shpreh se gjatë periudhave të ndryshme, ka pasur vështirësi shpirtërore, psikologjike e monetare, të cilave duhet t’u jepja zgjidhje vetë.
Aurela Gaçe tha se ka qenë e vështirë për të, që të ishte fëmija i madh i familjes dhe të mos kishte të ardhura. E për këtë iu është dashur të marrë vendime e të bënte të pamundurën për të realizuar ëndrrat e saj.
Ndër të tjera, ajo është nënë e dy vajzave, Grajs dhe Abigail. E pyetur nëse mendon ta zgjerojë familjen, Gaçe dha një përgjigje të sinqertë duke thënë se “nuk ma mban”.
