“I bekuar që jam përsëri në këmbë!”- Pas shërimit, Drake ka një surprizë për të gjithë fansat

Fansat e Drake do të duhet të presin edhe pak për “Certified Lover Boy”.

Reperi i “Laugh Now, Cry Later”, njoftoi të mërkurën se po e shtyn publikimin e albumit të tij të gjashtë për herë të dytë, shkruan “Billboard”.

“Unë po planifikoja ta publikoja albumin tim këtë muaj, por midis operacionit dhe rehabilitimit, energjia ime i ishte kushtuar shërimit,”- shkroi ai në Instastory.

Reperi zbuloi në tetor të viti të kaluar se kishte pësuar një dëmtim në gju dhe i duhej t’i nënshtrohej një ndërhyrjeje.

Drake shkruante më tej në statusin e tij: “Jam i bekuar që jam përsëri në këmbë dhe ndihem shkëlqyeshëm dhe jam i përqendruar tek albumi, por ‘CLB’ nuk do të publikohet në janar. Unë mezi po pres që ta ndaj me ju të gjithë në 2021!”