Betejat ligjore të reperin Sean “Diddy” Combs vazhdojnë! Ai po përballet me akuza të reja për përdhunim, abuzim seksual dhe kërcënim vrasjeje, pasi një sërë padish të reja u ngritën të hënën.
Incidentet e pretenduara në denoncimet e paraqitura në gjykatën federale të Nju Jorkut, shtrihen nga viti 1995 deri në vitin 2021.
Akuzuesit e paidentifikuar pretendojnë se disa nga sulmet kanë ndodhur në festat e Diddy-t.
Një nga akuzuesit tha se ai ishte 16 vjeç kur mori pjesë në një nga festat në Hamptons në vitin 1998. Në padinë e tij ai pretendon se ai ishte duke biseduar me reperin rreth hyrjes në industrinë e muzikës kur ndodhi një sulm i dyshuar.
Në dokumentet gjyqësore të vëna në dispozicion të Page Six të hënën, më 14 tetor, një grua e paidentifikuar pretendon se Combs e përdhunoi atë në 2004, pasi vajza atë kohë 19-vjeçaare dyshohet se ishte ftuar në një sesion fotografik dhe më pas në një hotel në Manhattan.
Në “festën më ekskluzive”, studentja thuhet se u dërgua në një dhomë të veçantë larg festës kryesore, ku dera ishte e mbyllur dhe ajo pretendon se Combs e sulmoi atë dhe shoqen e saj. Raportohet se reperi i kërcënoi se do t’i vriste të dyja nëse nuk bindeshin.
Në një dosje tjetër, një burrë i paidentifikuar akuzoi Combs për sulm seksual në një magazinë dyqani në vitin 2008. Burri pretendoi se u përball me Combs dhe dy truproja të cilët kërcënuan me jetë viktimën pasi reperi dyshohet se i bënte seks oral.
Një tjetër burrë i paidentifikuar e akuzoi Combs se e kishte droguar dhe përdhunuar në një furgon jashtë një feste në vitin 2006.
Një viktimë e katërt e supozuar, një grua, pretendon se Combs e përdhunoi atë në një festë në vitin 1995 për të promovuar videoklipin “One More Chance” të Notorious BIG.
Vlen të përmendet se Combs ka mohuar vazhdimisht çdo akuzë që kur u arrestua në shtator.
Krijuesi i kompanisë diskografike “Bad Boy Records” u arrestua në Nju Jork dhe përballet me akuzat për trafik seksual, zhvatje dhe prostitucion.
© Panoramaplus.al