Duket se sfida virale në Instagram “Show me a picture of” i ka kushtuar shumë këngëtares me famë botërore Billie Eilish, shkruan “Billboard”.
Kur një fanse i kërkoi fitueses së 10 Grammy-ve të ndante një foto të “një vizatimi për të cilin ajo ishte me të vërtetë krenar”, ajo ndau një foto nga fletorja e saj, ku kishte vizatuar gjokse, të pasme dhe disa gjarpërinj.
Në mbishkrim, 19-vjeçarja shkroi:
“Ndoshta mua më pëlqejnë shumë gjokset!”.
Dhe ndërsa vetë Billie-t iu duk ky veprim për të qeshur, mijëra ndjekësve të saj jo. Në fakt, më pak se një orë më vonë një përdorues i “Twitter” vuri re se ylli në të vërtetë humbi rreth 100,000 ndjekës: nga 73 milion në 72.9 milion.
Megjithatë, as vetë Billie nuk qëndroi në heshtje ndaj kësaj, duke postuar një status të një fansi në Instastory e duke vijuar me shaka.
Kjo nuk është hera e parë që artistja u tërheq vëmendje ndjekësve të saj. Vetëm javën e kaluar, ajo paralajmëroi fansat që të ndalonin së talluri me “highlights” e saj ngjyrë neon tek flokët, përndryshe ajo nuk do të publikonte albumin e saj të ardhshëm.
“Unë kam një histori argëtuese për të treguar, por së pari djema, ndaloni së talluri me mua,”- tha ylli. “O zot. Unë jam duke bërë një album dhe nuk do e lançoj nëse vazhdoni të talleni me flokët e mi. Mjaft!”
Billie shpjegoi edhe arsyen pse po i qëndron besnike stilit të saj të çuditshëm dhe të veçantë:
“Do ndryshoj pasi të dalë dokumentari. Do të jetë fundi i një epoke. Do t’ju jap një epokë të re,”- zbuloi ajo. “Unë kam një njoftim për të bërë. Kam disa të reja për të dhënë.”
© Panoramaplus.al