Johnny Depp nuk do jetë më pjesë e kastit të aktorëve të Fantastic Beasts.
Ai mori vendimin disa ditë pasi humbi gjyqin për shpifje që kishte ngritur ndaj “The Sun”, pasi tabolidi e quajti “dhunues të ish-gruas” në një artikull të tij.
Në një letër drejtuar fansave të tij, ylli i Hollywood tha se iu ishte kërkuar të jepte dorëheqje nga roli i tij si Gellert Grindelwald dhe ai e kishte respektuar këtë kërkesë.
Aktori e konsideroi vendimin e gjykatës “surreal” dhe konfirmoi vendimin për ta apeluar.
Studioja e filmit Warner Bros konfirmoi largimin e Depp dhe tha se roli i tij do të rimodelohet.
“Ne falënderojmë Johnny Depp për punën e tij në filmat e deritanishëm,”- tha Warner Bros në një deklaratë.
57-vjeçari paditi botuesin e gazetës “The Sun” mbi një artikull të vitit 2018, ku pretendohej se ai sulmoi ish-gruan e tij Amber Heard.
Në fillim të kësaj jave, një gjykatë në Londër vendosi se “The Sun” kishte provuar se artikulli ishte “thelbësisht i vërtetë”.
Në letrën e tij, të postuar në Instagram, Depp tha se vendimi i gjykatës nuk do e ndalonte në luftën e tij për të thënë të vërtetën.
/Panoramaplus.al
© Panoramaplus.al