Fansat e zemëruar të Johnny Depp po bëjnë ‘çmos’ për të dëmtuar Amber Heard. Një peticion që bën thirrje që aktorja të hiqet nga “Aquaman 2” ka arritur mbi 2 milionë nënshkrime teksa gjyqi mes tyre vazhdon.
“Bëj gjënë e duhur. Hiq Amber Heard nga Aquaman 2,” shkroi krijuesja Jeanne Larson në përshkrimin e peticionit në Change.org. Qëllimi i peticionit është të arrijë 3 milionë firma, me të cilat fansat shpresojnë se Heard të humbë rolin e saj si Princesha Mera.
Mbështetësja e Depp tha se ajo filloi fushatën sepse beson se Heard është një shembull i abuzimit në familje dhe se nuk donte që sjellja e saj të ishte shembull në kamera. Ajo vazhdoi të përmendte disa shembuj të abuzimit në familje të supozuar, si rasti kur Heard dyshohet se goditi me grusht në fytyrë bashkëshortin e saj të atëhershëm. Ajo gjithashtu iu referua incidentit të supozuar ku aktorja e “Aquaman” preu majën e gishtit të Depp-it duke i hedhur një shishe vodka.
“Depp ka treguar shumë raste abuzimi si për shembull kur ajo preu kockën në gishtin e Johnny Depp dhe gati e preu gjithë gishtin, duke bërë që Depp t’i nënshtrohej një operacioni” shkroi Larson për akuzat. “Burrat janë viktima të abuzimit në familje, ashtu si gratë. Kjo duhet të njihet dhe duhet të ndërmerren veprime për të parandaluar që një abuzuese e njohur të reklamohet në industrinë e argëtimit,” pohoi ajo.
Fansat gjithashtu e shohin padyshim peticionin si dëmshpërblim për Depp që u refuzua nga Disney në rolin e tij si kapiten Jack Sparrow në filmin e pestë “Pirates of the Caribbean” pasi Heard e akuzoi atë për abuzim. Të mërkurën, një ish-agjent i Depp-it dëshmoi se trauma emocionale e akuzave për abuzim të Heard-it i kishte kushtuar atij ekskluzivitetin e filmit.
Lajmi vjen ndërsa ajo dhe Depp – të cilët ishin të martuar nga viti 2015 deri në 2017 – janë përfshirë në një betejë gjyqësore për të përcaktuar nëse Depp është dëmtuar nga shkrimi i Heard në Washington Post në 2018, në të cilën ajo akuzoi Depp për abuzim.
Depp, i cili i ka mohuar me forcë akuzat, po kërkon të paktën 50 milionë dollarë kompensim. Ai kërkon gjithashtu 350,000 dollarë dëmshpërblim për tarifat e avokatëve dhe shpenzimet gjyqësore. Ndërkohë, avokatët e Heard po kërkojnë 100 milionë dollarë nga Depp për abuzim dhe dëme të tjera. Ata e kanë akuzuar Depp-in për sulm fizik dhe seksual ndaj Heard-it gjatë abuzimit me drogën dhe alkoolin.
© Panoramaplus.al