Aktori Johnny Depp ka folur në gjykatën Fairfax, Virxhinia të martën për shpifje kundër ish-bashkëshortes Amber Heard.
Në dëshminë e tij e cila zgjati afërsisht tre orë, e cila do të vazhdojë gjithashtu deri të mërkurën, ylli i nominuar për Oscar foli deri në detaje për akuzat e Heard për abuzim në familje, historinë e tij me abuzimin me substancat dhe marrëdhëniet e tyre.
“Qëllimi im është e vërteta”, tha Depp në fillim të fjalimit të tij.
Depp, i njohur përn rolin e tij historik të Pirates of the Caribbean”, po padit Heardin për 50 milionë dollarë në një gjykatë të Fairfax County, Virxhinia për një shkrim të Washington Post të vitit 2018, në të cilin ajo shkroi për përvojën e saj me abuzimin në familje.
Depp nuk përmendej me emër në artikullin e Heard.
Në vitet para publikimit të tij, Heard kishte pretenduar se Depp i kishte mavijosur fytyrën pasi i hodhi telefonin asaj teksa ndodheshin në shtëpinë e tyre në Los Anxhelos. Depp mohoi akuzat dhe nuk u akuzua për asnjë krim.
Depp pranoi në dëshminë e tij se ai dhe Heard kishin debate gjatë marrëdhënies së tyre, por tha: “Unë vetë nuk kam arritur kurrë deri në pikën që të godas zonjën Heard në asnjë mënyrë dhe nuk kam goditur ndonjëherë ndonjë grua në jetën time”.
Ai gjithashtu përshkroi marrëdhënien e trazuar të prindërve të tij dhe abuzimin verbal dhe fizik që ai dhe vëllezërit e motrat e tij përjetuan nga nëna e tyre. Ai gjithashtu pretendoi se përvoja e tij e parë me marrjen e substancave të kontrolluara ndodhi kur ai ishte afërsisht 11 vjeç dhe do të merrte pilulat e nënës së tij “për t’i shpëtuar natyrës kaotike të asaj që po jetonim”.
Depp pretendon se shkrimi i Heard çoi në humbje financiare për të, duke përfshirë përjashtimin nga filmat e ardhshëm “Pirates of the Caribbean” pasi ai drejtoi ekskluzivitetin për 15 vjet.
“Një ditë je Hirushja si të thuash dhe më pas në pikën zero gjashtë sekonda je Kuazimodo”, tha Depp për mënyrën se si u kthye karriera e tij pasi u akuzua për abuzim. “Unë nuk e meritova këtë dhe as fëmijët e mi, as njerëzit që kishin besuar në mua gjatë gjithë këtyre viteve”.
Depp pranoi në dëshminë e tij se nuk e ka parë filmin e parë në ekskluzivitetin “Pirates”. Megjithatë, ai tha: “Unë besoja në personazh me gjithë zemër”.
