Gjithë sytë e botës janë të përqendruar në Rusi ku po zhvillohet evenimenti më i madh futbollistik për kombëtare. Megjithatë nga SHBA, Kolin Martin ka arritur të “vjedhë” gjithë vëmendjen. Futbollisti i Minesota Junatid ka postuar një deklaratë në rrjetet sociale ku pranon hapur shijet e tij seksuale.
Ai ka pranuar publikisht se është homoseksual dhe se shokët e ekipit e kanë mbështetur në këtë hap. “Këtë mbrëmje skuadra ime, Minesota Junajtid po mban natën e krenarisë. Një mbrëmje e rëndësishme për mua pasi do të deklaroj publikisht, për herë të parë, se jam një lojtar gay. Kam qenë i deklaruar si gay për familjen time, shokët e skuadrës, por edhe shokët e tjerë. Kam luajtur për 6 vite në MSL. 4 vite i kam kaluar te DC Junajtid, ndërsa 2 në Minesota.
Të gjithë shokët e skuadrës e dinë këtë fakt dhe dua ti falënderoj që më kanë mbështetur pa kushte, duke më pranuar siç jam. Kam marrë shumë mbështetje nga shumë njerëz dhe kjo e bëri vendimin tim edhe më të lehtë”, shkruhej në postimin e futbollisti.
