Supermodelja e njohur, Bianca Balti, bëri një rikthim spektakolar si bashkë-prezantuese ,në Festivalin e Muzikës në Sanremo, pas betejës së saj me kancerin ovarian.
Festivali, i cili filloi më 11 shkurt dhe zgjat deri më 15 shkurt 2025, shënoi jo vetëm rikthimin e saj profesional, por shërbeu edhe si platformë për të ndarë historinë e saj të forcës dhe guximit për të përballuar gjithë atë sëmundje, shkruajnë mediat e huaja.
Në skenë, Balti u shfaq pa asnjë mbulesë, duke ekspozuar pa komplekse kokën e saj pa flokë, si rezultat i kimioterapisë, dhe duke përforcuar misionin e saj për të festuar jetën përtej kufijve të kancerit.
E shoqëruar nga bashkë-prezantuesi Carlo Conti, ajo shprehu gëzimin e saj të përzemërt: “Çfarë emocioni, jam shumë e lumtur që jam këtu. Carlo, falë syve të tu, ndjej se ia vlen të jem këtu sonte.”
Prania e Baltit në Sanremo vjen vetëm disa muaj pas diagnostikimt së saj me kancer ovarian, i zbuluar më 8 shtator 2024. Ajo u diagnostikua pas disa dhimbjesh të forta barku, ku si rezultat doli kancer i fazës 3C.
Duke reflektuar mbi përvojën e saj, Bianka tregoi: “Ka qenë një periudhë plot frikë, dhimbje dhe lot, por mbi të gjitha dashuri, shpresë, të qeshura dhe forcë,” shkruan Daily Mail.
Gjatë konferencës për shtyp para festivalit, ajo theksoi synimin e saj: “Unë nuk jam këtu për të qenë paciente me kancer. Unë dua të jem një festë e jetës.”
Vendimi i Biankës për t’u shfaqur pqa paruke në një nga eventet më të ndjekura në Itali sfidon standardet konvencionale të bukurisë dhe thekson vërtetësinë.
“Kjo është forma më e bukur e bukurisë”, deklaroi ajo, duke mishëruar idenë e dukshmërisë dhe pranimit. Mungesa e parukeve apo mbulesave ishte më shumë se kozmetike. Edhe pse pa flokë Biankës i rrezantonte fytyra nga pozitiviteti si edhe veshja sharmane që ka zgjedhur për çdo natë të Festivalit.
Sipas DailyMail, kjo qasje ka marrë duartrokitje jo vetëm për pamjen e saj, por edhe për vendimin e saj kaq të guximshëm.
“Jeta vazhdon, jepini qëllim, duke reflektuar besimin e saj për gjetjen e bukurisë përmes vështirësive,” u shpreh Bianka.
© Panoramaplus.al
