Rreth dy javë më parë, deputeti i Grupit Parlamentar të Partisë Socialiste, Ervin Bushati, lajmëroi në rrjetet sociale se ishte infektuar me COVID-19.
Ai kishte hedhur një foto artistike, mjaft të këndshme ku tregonte se si puthej me bashkëshorten e tij përtej xhamit, të cilën e kishte shqëruar me komentin: “Dashuri në kohërat e Covid”.
Këtë javë deputeti Bushati ka vendosur të vijë në punë, me sa duket, testi i ka dalë negativ dhe gjithçka ka shkuar pa problem. Por ai duket se ka marrë një mësim nga kjo që ndodhi dhe ka vendosur të jetë tejet i kujdesshëm me shëndetin.
Siç e shikoni edhe në foto, deputeti ka hapur çadrën, pa dalë akoma nga dera e Parlanetit që të mos rrezikojë që të laget as edhe për një moment.
Por përtej kujdesit për veten, Bushati ka treguar kujdes edhe për kolegen e tij, deputeten Mimi Kodheli. Ai e ka ftuar atë në çadër që të mos lagej. Duket se gjithçka ka kaluar mirë dhe shpresojmë që edhe të infektuar të tjerë ta kenë po kaq të lehtë sa Bushati.
/Panoramaplus.al
