“Deputeti E.A do të vritet”, është kjo deklarata e Spartak Brahos që tronditi jo pak njerëz, pak para protestës së 8 janarit në selinë e PD.
Që nga ajo ditë, Enkelejd Alibeaj u shfaq i shoqëruar nga Garda, që ruante sigurinë e tij. Deputeti i PD për javë me radhë shoqërohej nga katër gardistë.
Por tashmë ato ditë duken shumë të largëta. Ditën e enjte, Alibeaj është shfaqur në seancën plenare krejt i vetëm.
Duket se tashmë ai nuk ka më truproja, pasi ‘rreziku’ ka kaluar.
Deputeti i PD ka shkuar në seancë me Alfred Rushajn. Të dy politikanët kanë qenë të qetë, ku nuk kanë munguar bisedat deri tek hyrja e parlamentit, për të zhvilluar një seancë të ngarkuar.
/Panoramaplus.al
